भ्रुणहत्या

अरेरे! शब्द मुखी या, हे बघताच आला होता,

वाचन करता नयनी, हुंदका गळाला होता.

दाखवी मनच्या भावना,  तो कविताच झाला होता,

अहं माझा तव स्त्रीत्वा,  वाचता जळाला होता.

व्यथा सावित्री साऱ्या,  शब्द व्यर्थच झाला होता,

सत्यवान पुरुषा मधला,  मागुती पळाला होता.

आदर्श परस्त्रीमाता,  आज पुराना झाला होता,

सीतेचे शील हरण्या,  जटायू चळाला होता.

जन्म माझिया पोटी,  या विश्वाचा झाला होता,

चारा फाडण्या उदरा,  हा काळ गळाला होता.

------ ------- ------- -----

*चारा - मासे पकडण्यासाठी लावतात तो
*गळ - ‌मासे पकडण्यासाठी वापरतात तो